mazi do bachche apne kamre se taron wale kapde pahne mere kamre mein aate hain mujh se lipat kar so jate hain aur meri be-khwab aankhon mein nind ki thandak bhar jati hai haal ghar ki biwi apni aaya se kahti hai raat gae mere donon bachche kyun mere kamre mein aate hain? mujh se lipat kar so jate hain tum aakhir kahe ke liye ho? meri khwab-alud aankhon se sari nind bikhar jati hai