chalo na aaj tumhein ek kahani sunati hun kahani ke sath kuchh aur bhi batati hun pyar karne se ziyaada use nibhana sikhati hun sath hi apni zindagi batati hun man papa bahut khush the mere aane par na jaane kyun phir dada dadi ka chehra nahin khila tha jab mere haq mein papa ne unhen samjhaya tabhi to mujhe mera hero mila tha man ka dudh papa ka pyar yahi to tha mera sansar jab bhi chalne ki koshish karti unhi ki ungli pakadti dar lagne par phir unhi se ja chipakti hansna bhi unhi se tha har bar aur bas yahi tha mera sansar thodi badi hui to school jaisa kuchh mila mujh jaise bahut the wahan wahi kapde wahi jute kuchh sachche kuchh jhuthe unhin mein se kuchh bane dost yar aur bada ho gaya mera sansar yun hi main badhti gai sapnon ki sidhiyan chadhti gai hero mere super hero ban gae baqi sab to phir zero lagne lag gae man se bhi tha mera pyar aur bas unhin donon se tha mera sansar phir ek ghadi aisi aai sab chizen ho gai parai unhin man bap ne to phir kar di meri purwai ek raj-kumar aaya tha ghodi chadh ummiden uchhalne lagin thi badh-chadh ichchhaun ko mila tha ummidon ka samundar nai zindagi ki khushi thi dil ke andar piya sang nae ghar jaana tha shadi to bas ek bahana tha janmon ke liye milne wala piya ka pyar tha banne wala ab wahi mera sansar tha sasural tha ab mera naya ghar ghar jaisa nahin tha yahan kuchh par man bap bhai nahin the idhar the to bas sas sasur dewar pyar dular jo ghar pe milta tha wo ab gum tha aisa laga mano shadi ka laddu bas ek bharam tha piya ab pati ho gaya apne kaam mein itna kho gaya ke shadi ke pahle ka sab moh gaya laga jaise dil kah gaya ke ab to bas bachche ka intizar rah gaya phir ek din wo intizar ruka mujhe bhi nai zindagi ka pata laga mujh se ziyaada wo khush hue aakhir ye un ka ansh tha badhane wala un ka ye wansh tha meri puchh hone lagi bar bar badalne wala jo tha sab ka sansar aa gai phir wo ek ghadi pata laga wo bhi thi ek ladki itna hi to pata tha bas phir na jaane kyun nai the sab khush wo puchh achanak tane ban gai imli ki phali nim ki chhadi ban gai koi chahta nahin tha mujh se phir ek main aaun sab ki zid thi main garbh pat karaun kyun aakhir kyun phir ek ladki se chhinne wala us ka ghar bar tha kya yahi mere sapno ka sansar tha phir achanak ek hero laut aaya sab ko manaya sab ko samjhaya us ne pita hone ka farz nibhaya ab wo man-bap sang khel karti karti hai doston sang uchhla kuda karti hai man se loriyan roz sunti hai aaj kahani sunne lagi hain lage us ke sang sari duniya jagi hai sunti hai kahani ye raat ki rani aur sochti hai jaane kis din wo suraj niklega jaane kis din ye aasman khilega jab insan se insan ka hoga sachcha mel jab tutenge sab moh ke dhage aur band hoga insani duniya mein ye kath-putli ka khel jab mar ki jagah lega pyar aur sudharega mere sapnon ka sansar aur sudharega mere sapnon ka sansar