ai watan ke sajile jawano
mere naghme tumhaare liye hain

sarfaroshi hai iman tumhaara
juraton ke parastar tum ho

jo hifazat kare sarhadon ki
wo falak-bos diwar tum ho

ai shujaat ke zinda nishano
mere naghme tumhaare liye hain

biwiyon maon bahnon ki nazren
tum ko dekhen to yun jagmagaen

jaise khamoshiyon ki zaban se
de rahi hon wo tum ko duaen

qaum ke ai jari pasbano
mere naghme tumhaare liye hain

tum pe jo kuchh likha shairon ne
un mein shamil hai aawaz meri

ud ke pahunchoge tum jis ufuq par
sath jaegi aawaz meri

chand taron ke ai raaz-dano
mere naghme tumhaare liye hain