aisi quwwat jo sarf nahin hoti hai
aziyyat ban jati hai

mere dil mein kitni mohabbat thi
jis ko zamane ki be-mehri aur sard tabiat ne

izhaar mein aane na diya
aakhir main ne sara dard sameta

aur teri aankhon par war diya
duniya mere liye teri surat mein

paimana husn-o-khair bani
yun to mohabbat fard se fard ko hoti hai

lekin tujh se meri mohabbat
wo nuqta hai jis ke chaaron taraf

aafaq ki gardish hoti hai