tumhaare shahr ko chhode hue ikkis din ikkis raaten aur kuchh parkar lamhe ho chuke hain mere aamal-name par kisi be-jaan jazbe ka aur adhura jism jalta hai wahan jab din nikalta hai wahan jab sham hoti hai kisi ke wiloin jaise badan par narm dhupon ke nikharte sae apni surmai aankhon se dukh ke rag gate hain wahan jab raat hoti hai mere andhe mashamon se koi khushbu nikal kar phail jati hai mohabbat ke kisi shaffaf lamhe ka munawwar jism meri be-karan tanhaiyon mein jagmagata hai mujhe kuchh yaad aata hai