sitare kitni shiddat se chamakta hai badan tera abad ke sahilon par ya azal ki jalwa-gahon mein kahin narsal ke jangal mein kisi mahmil ki rahon mein kisi chashme ke pani par kisi manzar ki shabnam mein kisi hijrat ke sahra mein kisi furqat ke aalam mein sitare us safar mein tu ne kaise naqsh dekhe hain ki jin ki tab se yun jagmaga uththa badan tera sitare kitni shiddat se chamakta hai badan tera