mujhe nafrat se nafrat hai ye wo ifrit hai jo gulshan-e-lab pe sajata hai rida-e-khar-e-dushnami ye dast-e-be-zarar mein khanjar-e-qatil ugata hai ye un aankhon ko jo masum-tar hain ziya-e-qahr-e-na-zeba dikha kar surkh karta hai ye hanste khelte aabaad ghar ko bilakti siskiyon se aur ashkon se samata hai gharaz ye kaj-ada ifrit khush-haali ke rishton ki rukawat hai mujhe nafrat se nafrat hai