ismaten lutti rahin ghar-bar bhi jalte rahe
tod kar nata khuda se hath hum malte rahe

pesh aae jaane kitne jaan-gusil lamhe magar
khud-ba-khud hi wo khuda ke fazl se talte rahe

rah-e-haq se pherne ki sazishen hoti rahin
istaqamat ke magar paikar mein hum dhalte rahe

parwarish jin ki hui thi asbiyat ki god mein
wo bhi suraj ki tarah chadhte rahe dhalte rahe

khushk roti ka bhi ek tukda na tha jin ko nasib
jaane kitne rog un ke jism mein palte rahe