naya sal phir aa gaya dosto
nae sal ka khair maqdam karen

padhai ka hum azm-e-mohkam karen
buland kaamyabi ka parcham karen

naya sal phir aa gaya dosto
nae hausle hon nae walwale

nai koshishen hon nae silsile
hai duniya sabhi sukh ke daman tale

naya sal phir aa gaya dosto
khalai musafir ki baaten karen

samar kaamyabi ke apne chunen
taraqqi ki rahon pe badhte rahen

naya sal phir aa gaya dosto
fasurda riwayat ko chhod kar

masail nae rakh ke pesh nazar
karenge chalo sai-e-sham-o-sahar

naya sal phir aa gaya dosto
utho parcham-e-amn le kar utho

jiyo khud bhi auron ko bhi jine do
chalo to qadam sab mila kar chalo

naya sal phir aa gaya dosto