log kahte hain
aawaz ka

ek chehra bhi hota hai
andaz bhi jism bhi

surkh suraj ka sona
darakhton ke us par

mahtab ki sim-gun mauj-e-uryan
samundar ki aawezishon ka

pur-asrar naghma
mohabbat ki lazzat ki garmi

kabhi shabnami nannhi-munni si lori
kahani

siyahkar shab mein
koi khun-aluda bab-e-adalat

mukafat ka silsila
dil ki viraniyon se guzarta hua

koi harf-e-malamat
nadamat

a sky full of birds
hujum-e-nuqush-e-farawan ka hangam

main yaad karta hun
aawaz chehra hasin jism

sab zawiye daere aur qausen
shab-o-roz

raftar ki aag mein
mauj-dar-mauj bahti hui ragni

daur ki wadiyon mein
sar-e-sham

dam todti raushni
naghmagi raushni naghmagi

tirgi bebasi khamushi
rang-o-khushbu se sarshaar

sadiyon purani zamin
dur jata hua karwan

jism-e-awaz ka wahshi be-zaban
ek junun ek makus barham sakun

zer-o-bam zer-o-bam
iztirab iztirab

ajnabi mausamon ka jahan
faslon sarhadon se pare

wusaton mein pur-afshan
parindon bhara nilgun be-karan nilgun aasman

a sound has a face
a grace and a form.

the gold of the sun
beyond the trees,

the naked ripples
of a silvery moon,

mysterious song of
the turbulent sea,

ecstasy of love
a soothing lullaby

on vicious nights -
a tale of blood,

crying for blood.
in the wastes of heart -

shafts of taunts,
storms of shame.