agar meri aankhen mujhe dhoka nahin de rahin to is patte par ek kahani likhi hui hai mere doston ka mashwara hai mujhe kisi eye specialist ko consult karna chahiye mera khayal hai log kahani kahna sunna bhul chuke hain ab ghar se sahn aur sehnon se gulab rukhsat ho gae hain aasman ke khet mein sitare nahin ugte mere doston ko patte par likhi kahani nazar nahin aati lagta hai ye kahani kisi qadim zaban mein likhi hui hai aur zabanon se hamara ta'alluq mahaz lisani fasadat ki had tak baqi rah gaya hai