dil-e-fasurda ko ab taqat-e-qarar nahin
nigah-e-shauq ko ab tab-e-intizar nahin

nahin nahin mujhe bardasht ab nahin ki nahin
khuda ke waste kahna na ab ki bar nahin

hamesha wade kiye ab ke mil hi ja aa kar
hayat o wada o duniya ka e'tibar nahin

dikhai apni mohabbat ko chir kar sina
magar numud mera shewa-o-shiar nahin

meri bahan meri mahbuba hub ajab shai hai
jahan-e-khak nahin kuchh jo dost-dar nahin