junun-e-shauq ke dam se hai izz-o-shan-e-hayat yahi hai ruh-e-mohabbat yahi hai jaan-e-hayat qiyam nam hai kis ka ise nahin malum hamesha garm-e-tag-o-dau hai karwan-e-hayat ziya-e-ishq se qalb-o-nigah raushan ho to khud-bakhud nikhar aati hai dastan-e-hayat gham-e-hayat ko hans hans ke jo uthata hai usi ko milta hai yan lutf-e-jawidan-e-hayat jo tu sune to kahun ek baat nukte ki khudi se badh ke nahin koi pasban-e-hayat khudi se tu ne agar rishta ustuwar kiya ajal mita nahin sakti tera nishan-e-hayat mila hai hazrat-e-iqbaal se use aahang hua hai 'mansha' tabhi aisa naghma-khwan-e-hayat