man bhi suna aangan bhi suna aangan suna suna sab sansar pada suni ab ye sej padi hai kab tu aa kar prem biraje andhiyare nainan mein chhae dware dware dhundh ke aae phir bhi tera thor na jaana kathin bada hai tujh ko pana chupke se kanon mein kah ja khushiyon ka sandes suna ja prem tu apni dagar bata ja kya tu jogan ban baithi dur kahin maya se chhup kar tu ban gai anokhi dekh ri tere sog mein kaisa haal kiya hum ne apna dukh ke kankar patthar chunte komal hath hain pathrae jiwan ke raste par bikhre kante sau sau dank uthae nafrat ki aandhi se dhundle pad gae chanda tare ghir aai hai chaaron or dekh ghata ghanghor aankhon se ojhal hai ambar pap ka jhonka chale bhayankar halchal mach gai bahar andar chaaron or bagule udte idhar udhar baulae jaise un ko khoj kisi ki sar takraate sar ko uthae sar ko jhukae sar ke bal kuchh phirte hain sab ko khoj hai teri prem kahan tu chhup kar baithi hum se kyon hai ruthi aa dekh ki tere na hone se kya kya dukh hum ne jhele prem-pujari jitne the sab ban gae attyachaari khud hi attyachaar kare hai ban baithe bechaare apne attyachaar ko bhoge kaise khel nirale lekin un ke man mein kaisi jwala jag uthi hai ab to teri hi un ko bas antim aas lagi hai ai jogan kya tu bhi dhundhe koi prem-pujari us ki khoj mein ban gai hai tu bilkul hi ban-basi man mein jhank ke dekh le sab ke teri chah basi hai duri teri bhadkae hai ab to man mein dah aur hamare honton ka har shabd bana hai aah prem kahe tab mithe bol mat aansuon ke moti rol bhule-bisre prem-pujari prem ki jogan teri lagan mein khoe hue qismat ke tare kyon tu dhundhe nil gagan mein aan ke bas ja mere man mein prem ki mudra pyase tan mein lagi hilore lene jaldi se pahchan le mujh ko prem hi de nirwan bhi tujh ko prem ki jogan sajal saloni deti hai sandesa basti basti parbat parbat gati git albela mitti ki murat tum ko to jaana hai mitti mein jaise phul ki patti bikhre mil jae mitti mein lekin khushbu ban kar phaile prem sada jiwan mein prem hi sara jan jiwan hai prem hi teri chhaya prem hi darpan prem hi mahima prem hi 'hani' kaya prem hi bhakti prem hi shakti prem hi teri mukti