1
mujh se anjaan bane dur bahut dur sahi

samne baitha nazar aata hai
mujh ko mahsus ye hota hai meri umr ke sare lamhe

titliyan ban ke teri samt ude jate hain
aur tere chaar taraf

rang-dar-rang kai haale banate hue lahraate hain
phul chun chun ke palat aate hain

mujhe mahkate hain
2

mujh se anjaan bane
pas bahut pas se to jab guzre

mujh ko mahsus ye hota hai meri umr ke sare lamhe
ruth kar mujh se bahut dur kisi sahra mein

dhup mein jalte hain
tapte hue zarron se lipat jate hain

aur chingariyan ban ban ke palat aate hain
mujhe jhulsate hain