raat ki kali sadak par raushni ka daera ek tanha chap jaise ho musafir ki sada ye qadam pur-azm the us raushni ki samt mein par hisar-e-raushni mein sust yun padte gae tirgi ke is safar mein raushni ka ye padaw rah-rau ke waste ek dawat-e-aram ho raushni ki had pe ja kar is tarah thitke qadam tirgi mein dubna un ko gawara phir na ho ek siski ki tarah rukte hue phir chal pade ek thake lahje mein badh kar kho gai qadmon ki chap