andheri raat hawa tez barshgal ka shor
karun to kaise karun shama ki nigahbani

in aandhiyon mein kaf-e-dast ka sahaara kya
kahan chale gae tum saunp kar ye daulat-e-nur

meri hayat to jugnu ki raushni mein kati
na aaftab se nisbat na mahtab rafiq

janam janam ki siyahi baras baras ki ye raat
qadam qadam ka andhera nafas nafas ki ye raat

tumhaari nikhat-e-barbaad ko tarasti hai
ab aao aa ke amanat sambhaal lo apni

tamam umar ka ye ratjaga tamam hua
main thak gaya hun mujhe nind aai jati hai