aaj aao sakhi bataun tujhe an-kahi baat hai sunaun tujhe kaise tuta milan ka khwab mera dasht mein rah gaya sarab mera tum mili ho to aaj sochti hun parda-e-raaz ko utha hi dun aaj aao sakhi bata hi dun dil dhadakta hai aur ye jumbish bhi ek nakaam aarzu le kar sham-e-wada ki justuju le kar yunhi dam-bhar ko muskuraata hai aur phir dub dub jata hai aaj aao sakhi bataun tujhe an-kahi baat hai sunaun tujhe aarzu dil mein yun machalti hai jaise be-kal hawa ka git koi sar ki sangat mein man ka mit koi dil dhadakta hai ye kisi ke liye aur machalta hai sarkhushi ke liye ek khushbu-khiram chalti hai aur saqi ba-nam chalti hai bandh kar sham mere pallu se raat karti hai guftugu mujh se aaj aao sakhi bataun tujhe an-kahi baat hai sunaun tujhe