mere aazad watan teri bahaaron ko salam
teri pur-kaif faza tere nazaron ko salam

jin ki khidmat se chamki hai watan ki qismat
jagmagate hue un chand sitaron ko salam

karwan jin ka luta rah mein aazadi ki
qaum ka mulk ka un dard ke maron ko salam

likh gae apne lahu se jo wafa ke qisse
un shahidon pe darud un ke mazaron ko salam

'tahira' salgirah aaj hai aazadi ki
hind ke khurd-o-kalan sathiyon pyaron ko salam