nahin ye ahd aur hai saqi
ahl-e-europe ka daur hai saqi

ki hai koshish unhon ne khatir-khwah
pai hai muddaton mein hind ki rah

kar ke zahmat jo aae itni dur
mahz tarwij-e-baada thi manzur

jo musalman hain ummat-e-angrez
mai-kashi se unhen nahin parhez

baada-khwari ka shaghl ghar ghar hai
aur tadi to shir-e-madar hai

pahle pasi chamar pite the
mardum-e-be-waqar pite the

ab to ahl-e-ulum pite hain
mahiyan-e-rusum pite hain