lamha bhar ke liye chalte chalte qadam ruk gae khun ke taza taza nishan chhod kar khansti zindagi donon haton se sine ko thame hue jaane kis mod par ja ke gum ho gai raste ki syahi se lipta raha ek asasa jise apne waris ki koi zarurat na thi ek tuta hua aaina jis mein aaina-gar ki bhi surat na thi meri aankhon ne us khun-e-taza ka nauha padha meri sanson ka dora ulajhne laga aur phir mera insan kuchh der mein apne hi jaise insan ke khun se dar gaya ek nadida makhluq ke khauf se mar gaya