sare jazbon ka sahar bikhar gaya hai
sare rishton ka bharam tut gaya hai

main ne apni chahat ke siwa
kuchh bhi nahin dekha

kisi be-jaan shai par bhi
nazar nahin dali

tumhaare andar jiti rahi hun
tum se be-khabar ho kar

apne aap se bhi be-khabar ho kar
main ne tum mein

sirf apne aap ko dekha
ye sara ishq mera

khud apni hi zat se tha
tum ajnabi the mere liye

ajnabi hi rahe
main ajnabi thi apne se

ajnabi na rahi
apne aap ko pa kar

zahr apna pi rahi hun
ji rahi hun