bilal 'aswad'
kaun sa saz hai

jo kanon mein
saton sur dahka sakta hai

kaun sa manzar
aankhon andar

sat-rangi sulga sakta hai
kya koi dariya aisa bhi hai

jis ke sath main bah kar
sat ke sat samundar par ho jaen

kya koi lamha aisa bhi hai
jis ka pura dukh ji lo to

sat janam swikar ho jaen
kis hairat ko odhe

ek ajuba dekhen
aur saton ko sath mein paen

is dharti ke kis kone par
ja kar sat zaminen dhunden

aur un sab ki mitti apne hath mein paen
kis tare par sidhi rakh kar

apne rab ka mimbar dekhen
aur phir in ghaibi aankhon se

us ke saton ambar dekhen