zamana badla to iblis ko malal hua
mila jo mauqa to bhagwan se sawal hua

ki ab to aadmi chalta hai rail par bas par
hawa mein le ke jahaz ud raha hai far-far far

main aadmi ka taaqub bhala karun kaise
main raat-din yun hi paidal chala karun kaise

nida falak se ye aai ki tu malal na kar
kisi bhi haal mein bebas hai ye khayal na kar

hai ek gadi tracktor jo sab pe bhaari hai
ba-taur-e-khas ye shaitan ki sawari hai