meri majruh khalwat
duhai pe utre bhi to kis tarah

zahr-e-shar sharbat-e-khair ke zaiqe
mere nutq-o-zaban ke liye waqf hain

sirf sud-o-ziyan ke liye waqf hain
main tasawwur ka muhtaj

surat-gari se bahalta rahun
zehn ke nim ujalon mein

girta sanbhalta rahun
halqa-e-roz-o-shab se machalti hui

sari chingariyan mujh pe barsa karen
bahr-e-idrak ke sab ke sab jazr-o-mad

mujh pe tuta karen
main nigahon mein khar-e-mughilan liye

bas zaminon zaminon bhatakta rahun
apne sae ko halka sa nuqta kiye

anginat nim-khwabida aankhon ko takta rahun
apni pahchan ke waste apni tarif mein

sirf itna kahun
main ikai-gazida sar-e-anjuman

mere chaaron taraf
be-aman ek gagan

soch bin
soch bin suraj bin