hae aaya nahin us dar se bulawa mera
ab hai aghyar ke hathon mein mudawa mera

dast-e-aghyar mein har jurm kaman ho jae
tir-e-dushnam meri samt rawan ho jae

zakhm mathe pe lage gar to koi fikr nahin
shikwa-e-dost kisi taur bayan ho jae

mere shaffaf libaade pe syahi mal do
mujhe gumnami ki daldal se bacha lo logo

mere na hone ka ehsas nahin hai us ko
tum sar-e-bazm mera nam uchhaalo logo

hae aaya nahin us dar se bulawa mera
ab hai aghyar ke hathon mein mudawa mera