tazad ki kasht

main ne kai rang ke sae sunghe hain
magar diwaron par kanda kiye phulon mein

kabhi khushbu nahin mahki
mohabbat ruh mein tab utarti hai

jab ghamon ki ret aur aansuon se
hum apne andar shikastagi tamir karte hain

jis qadar bhi hans lo
najat ka koi rasta nahin

tum mohabbat ke gunahgar ho
sau gham tumhaari haddiyon mein phaila hua hai

apne amiq tajrabe se batao
ek mohabbat mapne ke liye

hamein dusri mohabbat kyun talashna padti hai
main jama ho kar kam pad gaya hun

kahin aisa to nahin
irtiqa ki jald-bazi mein

main ne do nafi jod liye hain


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close