ye tamanna hai meri
aap ke pyar ko lafzon mein muqayyad kar lun

lab-e-izhaar muqaddar mein kahan
lafz-o-ma’ni mein kahan gunjaish

koi bhi laun bayan ki san’at
mera mafhum bikhar jata hai

ho koi jhil agar
pyasi nazron se use pi jaun

ye to ek aisa samandar hai tasawwur jis ke
kisi mauhum kinare ka bhi na-mumkin hai

meri takhil ke paimane bhi bekar gae
hae tiflana tamanna meri

chand ke waste bachcha koi humke jaise