wo shakhs jis ko hanste hue ghar pasand the
wo shakhs jis ko bolte manzar pasand the

wo shakhs jis ke sath samay khush-gawar tha
wo shakhs jaane kitne dilon ka qarar tha

kuchh waqt se wo haalat-e-duniya se hai khafa
khushbu se ranj koh se dariya se hai khafa

aankhen udas aisi ki mathe pe bal paden
afsurdagan-e-shahr ke aansu nikal paden

duniya mein gum nahin hai gham-e-zat mein hai gum
kaise bataun tum ko wo kis baat mein hai gum