masajid ki hifazat ke liye police ki hajat hai
khuda ko aap ne mashkur farmaya inayat hai

ajab kya hai ki ab har shah-rah se ye sada aae
mujhe bhi kam se kam ek ghusl-khane ki zarurat hai

pinhai ja rahi hain aaliman-e-din ko zanjiren
ye zewar sayyad-e-sajjad-ali ki wirasat hai

yahi das bis agar hain kushtagan-e-khanjar-andazi
to mujh ko susti-e-bazu-e-qatil ki shikayat hai

shahidan-e-wafa ke qatra-e-khun kaam aaenge
urus-e-masjid-e-zeba ko afshan ki zarurat hai

ajab kya hai jo nau-khezon ne sab se pahle jaanen din
ki ye bachche hain in ko jald so jaane ki aadat hai

shahidan-e-wafa ki khak se aai hain aawazen
ki shibli bambai mein rah ke mahrum-e-saadat hai