sath mein donon ki bas ye aakhiri taswir hai waqt-e-rukhsat aakhiri lamhon ka koi bojh le kar lautna aasan nahin tha is liye main ne bhi kuchh kuchh be-yaqini se hi puchha tha chalo na sath mein taswir lete hain guzishta waqt ki koi kudurat dil mein le kar lautna achchha na hota is liye tum ne bhi shayad yun hi aadhe man se khinchwa li thi ye taswir jis mein hath to kandhon pe hain ek dusre ke par hamare darmiyan ka fasla between the lines saf likkha dikh raha hai sath mein donon ki bas ye aakhiri taswir hai jo wallpaper mein mere ab bhi lagi hai