kya hua gar mar gae apne watan ke waste
bulbulen qurban hoti hain chaman ke waste

tars aata hai tumhaare haal par se hindiyo
ghair ke muhtaj ho apne kafan ke waste

dekhte hain aaj jis ko shad hai aazad hai
kya tumhin paida hue ranj-o-mehan ke waste

dard se ab bilbilane ka zamana ho gaya
fikr karni chahiye zakhm-e-kuhan ke waste

hinduon ko chahiye ki qasd kabe ka karen
aur phir muslim badhen gang-o-jaman ke waste