aurat ko chahiye ki adalat ka rukh kare
jab aadmi ko sirf khuda ka khayal ho

main bach gai man
main bach gai man

tere kachche lahu ki mehndi
mere por por mein rach gai man [...]

aurat ne janam diya mardon ko mardon ne use bazar diya
jab ji chaha masla kuchla jab ji chaha dhutkar diya

tulti hai kahin dinaron mein bikti hai kahin bazaron mein
nangi nachwai jati hai ayyashon ke darbaron mein [...]

suno bint-e-hawwa!
main aadam ka beta hun

aao tasalli se nimtayen jhagda
ye hawwa ki izzat ka hawwa bana kar dikhaya gaya hai [...]

ghas bhi mujh jaisi hai
panw-tale bichh kar hi zindagi ki murad pati hai

magar ye bhig kar kis baat gawahi banti hai
sharmsari ki aanch ki [...]

tu prem mandir ki pak dewi tu husn ki mamlikat ki rani
hayat-e-insan ki qismaton par teri nigahon ki hukmarani

jahan-e-ulfat teri qalam-rau harim-e-dil teri rajdhani
bahaar-e-fitrat tere lab-e-lal-gun ki doshiza muskurahat [...]