aarzu hai ki tu yahan aae
aur phir umr bhar na jae kahin

aaj dekha hai tujh ko der ke baad
aaj ka din guzar na jae kahin

phir sawan rut ki pawan chali tum yaad aae
phir patton ki pazeb baji tum yaad aae

phir kunjen bolin ghas ke hare samundar mein
rut aai pile phulon ki tum yaad aae [...]

gali gali meri yaad bichhi hai pyare rasta dekh ke chal
mujh se itni wahshat hai to meri hadon se dur nikal

ek samay tera phul sa nazuk hath tha mere shanon par
ek ye waqt ki main tanha aur dukh ke kanton ka jangal [...]

gae dinon ka suragh le kar kidhar se aaya kidhar gaya wo
ajib manus ajnabi tha mujhe to hairan kar gaya wo

bas ek moti si chhab dikha kar bas ek mithi si dhun suna kar
sitara-e-sham ban ke aaya ba-rang-e-khwab-e-sahar gaya wo [...]

apni dhun mein rahta hun
main bhi tere jaisa hun

o pichhli rut ke sathi
ab ke baras main tanha hun [...]