kitni be-rang zindagi hai meri
'ishq ke rang yar bhar do na

ho na pae jab mukammal ishq ka qissa to phir
shohraten rahne do ab gum-namiyan hi thik hain

qais ne ishq kiya
par shaeri nahin ki

us ne laila ki baaten
hawaon se bagulon se darakhton se aur belon se [...]

taskin-e-dil-e-mahzun na hui wo sai-e-karam farma bhi gae
is sai-e-karam ko kya kahiye bahla bhi gae tadpa bhi gae

hum arz-e-wafa bhi kar na sake kuchh kah na sake kuchh sun na sake
yan hum ne zaban hi kholi thi wan aankh jhuki sharma bhi gae [...]

kya jazb-e-ishq mujh se ziyaada tha ghair mein
us ka habib us se juda kyun nahin hua

mera ishq to khair meri mahrumi ka parwarda tha
kya malum tha wo bhi dega mera itna tut ke sath