aap daulat ke taraazu mein dilon ko taulen
hum mohabbat se mohabbat ka sila dete hain

ye zulf agar khul ke bikhar jae to achchha
is raat ki taqdir sanwar jae to achchha

jis tarah se thodi si tere sath kati hai
baqi bhi usi tarah guzar jae to achchha [...]

tum apna ranj-o-gham apni pareshani mujhe de do
tumhein gham ki qasam is dil ki virani mujhe de do

ye mana main kisi qabil nahin hun in nigahon mein
bura kya hai agar ye dukh ye hairani mujhe de do [...]

kyun meri tarah raaton ko rahta hai pareshan
ai chand bata kis se teri aankh ladi hai

rudad-e-mohabbat kya kahiye kuchh yaad rahi kuchh bhul gae
do din ki masarrat kya kahiye kuchh yaad rahi kuchh bhul gae

jab jam diya tha saqi ne jab daur chala tha mahfil mein
ek hosh ki saat kya kahiye kuchh yaad rahi kuchh bhul gae [...]

puchha kisi ne haal kisi ka to ro diye
pani mein aks chand ka dekha to ro diye

naghma kisi ne saz pe chheda to ro diye
ghuncha kisi ne shakh se toda to ro diye [...]