guftugu band na ho
baat se baat chale

subh tak sham-e-mulaqat chale
hum pe hansti hui ye taron bhari raat chale [...]

hum ahl-e-dil ne meayar-e-mohabbat bhi badal dale
jo gham har fard ka gham hai usi ko gham samajhte hain

ek ho jaen to ban sakte hain khurshid-e-mubin
warna in bikhre hue taron se kya kaam bane

jang to khud hi ek masala hai
jang kya masalon ka hal degi

ranjishen aisi hazar aapas mein hoti hain dila
wo agar tujh se khafa hai tu hi ja mil kya hua

wo tawaif
kai mardon ko pahchanti hai
shayad isi liye
duniya ko ziyaada jaanti hai
us ke kamre mein
har mazhab ke bhagwan ki ek ek taswir latki hai
ye taswiren
leaderon ki taqriron ki tarah numaishi nahin
us ka darwaza
raat gae tak
hindu
muslim
sikh
isai
har mazhab ke aadmi ke liye khula rahta hai
khuda jaane
us ke kamre ki si kushadgi
masjid aur mandir ke aanganon mein kab paida hogi