ajab lahja hai us ki guftugu ka
ghazal jaisi zaban wo bolta hai

main urdu hun
mujhe ghairon se kya khatra

kabhi dushman se hota hi nahin khatra kisi ko bhi
sabab tum bhi samajhte ho [...]

dulhan ki mehndi jaisi hai urdu zaban ki shakl
khushbu bikherta hai ibarat ka harf harf

ikkis baras guzre aazadi-e-kaamil ko
tab ja ke kahin hum ko 'ghaalib' ka khayal aaya

turbat hai kahan us ki maskan tha kahan us ka
ab apne sukhan-parwar zehnon mein sawal aaya [...]

apni urdu to mohabbat ki zaban thi pyare
ab siyasat ne use jod diya mazhab se

jabin-e-waqt par kaisi shikan hai hum nahin samjhe
koi kyun kar harif-e-ilm-o-fan hai hum nahin samjhe

kisi bhi shama se be-zar kyun ho koi parwana
ye kya is daur ka diwana-pan hai hum nahin samjhe [...]