dard ko hum zindagi ka kaif-o-kam kahte rahe khamushi ke saz par rudad-e-gham kahte rahe gosh-bar-awaz puri bazm mein koi na tha dastan-e-arzu kahne ko hum kahte rahe intiha-e-yas mein chalte rahe be-muddaa dekhne wale hamein sabit-qadam kahte rahe dil fareb-e-zindagi mein be-tarah uljha raha ishq ko aazad patthar ko sanam kahte rahe kam-sawadon ko masiha na-khudaon ko khuda bud ko nabud hasti ko adam kahte rahe apne khun se dastan-e-gham raqam karte rahe lauh-e-dil ko nok-e-khanjar ko qalam kahte rahe aarzu ke kitne but-khane the is dil mein nihan 'arsh' jis dil ko sabhi taq-e-haram kahte rahe