dil mein auron ke liye kina-o-kad rakhte hain

dil mein auron ke liye kina-o-kad rakhte hain
log ikhlas ke parde mein hasad rakhte hain

aap se hath milate hue dar lagta hai
aap to pyar ke rishton mein bhi had rakhte hain

ye zaruri nahin dil un ke hon haq se mamur
wo jo chehron pe ibaadat ki sanad rakhte hain

kya pata kab kisi rishte ka bharosa tute
aise logon se na miliye jo hasad rakhte hain

dafn ho jae na ehsas-e-mohabbat dil mein
ab kahan dil ka khayal ahl-e-khirad rakhte hain

kaun hota hai musibat mein kisi ka 'salim'
hum abas aap se ummid-e-madad rakhte hain


2020-06-03 01:24:22 PM

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close