hum apne kheton mein hosh boenge fasl-awar hawas denge zamin ke nange badan ko aakhir pahad kab tak libas denge farosh-gahon se jins-e-taza kabhi ki nayab ho chuki hai ye kar ba-iztirab chamke hum apni jaanon ki ras denge hum aab-bardosh dainon ke gale mein kante utar denge ki un ke honton se khun barse kuchh aisi shiddat ki pyas denge hararat-o-bardat ki khoji hawaen mahw-e-safar rahengi badalti rut ki khabar hamesha tuyur-e-mausam-shanas denge har aae mausam mein konpalon ko sipas-bar-awari milega to shakh-e-na-warda-e-samar ko saza-e-radd-e-sipas denge