aaine ke is taraf se us taraf aate hue
umr guzri hai khudi ko khud se milwate hue

yun samajh lije hamari ishq mein bechaargi
dub jaana tha hamein tairakiyan aate hue

jaane us shab kya hua tha meri aql-o-hosh ko
khud bahakne lag gaya tha us ko samjhate hue

be-sabab kuchh bhi nahin tha be-sabab tanqid bhi
wo mitae ja raha tha naqsh-e-pa jate hue

aap ke pichhe guzari zindagi mat puchhiye
katni thi kat li rote hue gate hue

ab na lije nam us ka dil ki jis ki zid kiye
so gaya hai thak-thaka kar rote chillate hue