aaj gulshan mein ye afwah uda di jae zindagi ki sabhi khushiyon ko hawa di jae baada-e-uns yun taqsim gira di jae koi baqi na rahe sab ko pila di jae parcham ab zulm ka lahraate hain har su zalim aap batlaiye kis-kis ko saza di jae log jebon mein chhupe sanp liye phirte hain qarya-qarya ye khabar sab ko suna di jae jhukne pae na kabhi amn-o-aman ka parcham uttho nafrat ki ye diwar gira di jae hind mera hi nahin sab ka hi pyara hai watan dil mein har ek ke ye baat bitha di jae lafz aasan 'niyazi' hain teri ghazlon mein in mein ab 'mir' ki taswir laga di jae