aaj to us ne yun dekha hai
jaise mujh ko bhul gaya hai

kaliyan khul kar phul bani hain
kis ka aanchal lahraya hai

un ko ab mere gham ka
shayad kuchh ehsas hua hai

samne un ke khoya khoya
soch raha hun kya kahna hai

rukh pe bahaaren jhum rahi hain
aankh mein nashsha dol raha hai

armanon ke khun se main ne
mang mein teri rang bhara hai

'naqsh' ghazal ye kis ne chhedi
zarra zarra jhum raha hai