aane wali kal ki de kar khabar gaya ye din bhi
mah-e-visal ki shiryanon mein utar gaya ye din bhi

lamha lamha saat saat pal pal mein taqsim hua
reza reza hote hote bikhar gaya ye din bhi

us ki tabani par kitne hi suraj qurban hue
apne hone ka dukh sah kar magar gaya ye din bhi

sard hawa ka jhonka tha jo sannato ko chir gaya
kitne dilon par dastak de kar guzar gaya ye din bhi

hum to apni nindon mein khwabon ko jaga kar khwar hue
mauj-e-sarab mein dhal kar jaane kidhar gaya ye din bhi