aankh hairan hai ye sad-rangi-e-jalwa kya hai shahr kahta hai abhi aap ne dekha kya hai kaun aaya hai pai-e-chaara-gari dekh to le aakhir ai dard-e-jigar tera irada kya hai chhod gulshan ko kisi rashk-e-chaman-zar ko dekh zauq-e-nazzara yahan bazm mein rakkha kya hai uf wo aaza-shikani nind mein dubi aankhen zikr-e-mai-khana hai kya tishna-e-sahba kya hai ye bhi tadbir hai tajdid-e-talluq ki 'shakeb' puchhiye ja ke wo apne ko samajhta kya hai