har samt bikharti hui khushbu ki tarah hain kuchh log mere shahr mein urdu ki tarah hain kuchh log mohabbat ke payambar hain zamin par kuchh log siyah raat mein jugnu ki tarah hain gir sakte hain daman pe kisi waqt bhi ab hum rukhsar pe thahre hue aansu ki tarah hain sirhane pe rakhe hue kuchh khwab hamare phulon se bhare aap ke bazu ki tarah hain hum 'mir' ke diwan ka ek sher hain 'nayyar' hum zakhm-rasida kisi aahu ki tarah hain