aankh khulte hi tera nam pukara jae
khwab koi bhi na be-kar hamara jae

jis ko bhi meri kisi baat pe shak guzra hai
us gali mein wo mere sath dobara jae

ab agar aur koi hukm baja lana hai
mujh pe wo sher ki surat mein utara jae

koi bhi shakhs mere hath pe bai'at na kare
phir koi shakhs mere sath na mara jae

aur masraf hi nahin us ka mere pas 'ayaz'
han magar dil ko kisi husn pe wara jae