aankh mein thahra hua sapna bikhar bhi jaega raat-bhar mein nind ka nashsha utar bhi jaega din ki chamkili sadaon se gurezan rah-rau sham ki sargoshiyan sun kar thahar bhi jaega jism-o-jaan mein jalti-bujhti larzishen rah jaengi wo mere ehsas ko chhukar guzar bhi jaega be-talluq si karega guftugu mujh se magar us ka lahja us ki baaton se mukar bhi jaega wo bhi hoga aahaton ka muntazir meri tarah aur faqat jhonka hawa ka us ke ghar bhi jaega