aankh se aankh milata hai koi
dil ko khinche liye jata hai koi

wae hairat ki bhari mahfil mein
mujh ko tanha nazar aata hai koi

subh ko khunuk fazaon ki qasam
roz aa aa ke jagata hai koi

manzar-e-husn-e-do-alam ke nisar
mujh ko aaina dikhata hai koi

chahiye khud pe yaqin-e-kaamil
hausla kis ka badhata hai koi

sab karishmat-e-tasawwur hain 'shakil'
warna aata hai na jata hai koi